أفضل 6 مواقع لتعلم اللغه الانجليزيه
باختصار شديد دول 6 مواقع مجانيه اخترتهم من اصل 11 بترشحهم مكتبة نيويورك العامة عل موقعها لممارسة الانجليزي في البيت يعني ملكش حجة اطلاقا اه والنعمة
لأنها مواقع فعلا مميزة كفاية انها من ترشيحات مكتبة نيويورك يعني ادخل وانت مغمض واختار واخد او اتنين بالكتير واشتغل عليهم
ندخل علي طول في المفيد بس قبل ما تقرأ منشن زميلك او صاحبك اللي هيذاكر معاك واعملوا جروب مغلق مع بعض ٣ او ٤ افراد علي الفيسبوك علشان تتابعوا مع بعض غالبا لو اعتمدت علي نفسك مش هتنجز
إقرأ أيضاً اختبار تحديد مستوى اللغة الأنجليزية
1- Easy World of English
والموقع ده بسيط جدا وشكله جميل وفيه شويه معلومات ممكن تلمهم في اسبوع مذاكرة بجد بس هيعملوا معاك فرق السنين خصوصا في النطق
إقرأ أيضاً 13 موقع لاختبار تحديد المستوى فى اللغة الانجليزيه
2-Many Things
الموقع باين من اسمه "حاجات كتير" فيه كل حاجة ممكن تخطر علي بالك قراءة واستماع وقواعد والعاب وعاميه الموقع مفهوش كشكل مفهوش بهرجة والوان بس موقع محتواه غني جدا ومفيهوش اعلانات ودة ميزة عظيمة.
كمان فيه جزء حوالي ٢٥٠ صفحة كلمات وجمل عربي انجليزي وفيها نطق هحط اللينك عليها مباشرة
إقرأ أيضاً كورس تعلم اللغة الانجليزية من الصفر للاحترافية
3-Dave's ESL Cafe
منتدى عالمي للمدرسين ومتعلمي اللغة الإنجليزية كلغة ثانية في جميع أنحاء العالم. فيه طبعا مصادر بس هيكون كويس جدا لمدرسين اللغة الانجليزية
إقرأ أيضاً تعلم اللغة الانجليزيه من المنزل
4- ABCYa
الموقع ده لتعليم الاطفال انجلش مرتب من اول الحضانه لغاية الصف الخامس بس ينفع مع اي حد حتى لو كبار مسلي ولطيف
إقرأ أيضاً 7 خطوات تتعلم بيها ازاى تحسن نطقك
5- GCF Learn Free
ده موقع لطيف وتفاعلي فيه دروس بتاعة Every day life الحاجات اللي ممكن تحتاجها يوميا بالاضافة لموضوع الانجليزي هو كمان فيه ممكن تعرف حاجات مواضيع كتير مثلا الكومبيوتر وانظمة التشغل بس الموقع ده هيفبد الناس اللي بتفهم انجليزي بقدر معقول مش للمبتدئين
إقرأ أيضاً 7 نصائح هامة لتعلم أي لغة جديدة بسهولة
6-Language Guide
ده قاموس انجليزي مصور ومسموع يعدى الماوس علي الصورة ينطقلك اسمها بالاضافة اني جايبلكم اللينك مباشر علي النسخة العربي من الموقع اظن مفيش دلع بعد كده
